Хил хязгааргүй... байгаарай!

Ноднин нэг сайн найз маань "Болор цом"-ын шагналт яруу найрагч Д.Урианхай гуайн "Холдох төв" номыг хавтсан дээр нь "Хил хязгааргүй... байгаарай" гэж бичээд бэлэглэсэн юм. Үнэндээ бол би энэ номыг уншаад уншаад ойлгодоггүй л дээ. Гэхдээ завтай үедээ ойлгохгүй ч (заримдаа ойлгоод ч байгаа юм шиг байдаг юм :-)) гэсэн унших дуртай. Бичлэгүүдийг нь ойлгохын тулд нилээд сайн бодох хэрэгтэй юм шиг санагддаг. Яагаад бодох хэрэгтэй болдог вэ гэхээр, жишээ нь: "Жин үд" гээд нэг гурван мөрт байгаам л даа. Ингэж байгаа юм:

Жин үд
Өглөө босоод л, сүүдэрт айраг залгилсаар ч
Өчигдөр л амаа чийглэсэн мэт уруул омголтох нь, -
Ид зуны жин үд аж !...
Үнэндээ л яг жин үдийг хамгийн оноод хэлчихсэн байгаа биз дээ, тээ. Энэ мэт ойлгомжгүй (ойлгомжтой ч юм шиг) олон бичлэгүүд (яг юу гэхийг нь мэдэхгүй юм, зүгээр л "бичлэг" гэе гэж бодлоо.) олон байгаа.

“Өгүүлбэр шүлэг” ийн бөлөөс хоёрыг нь та бүхэндээ уншуулий гэж бодлоо.
Би – “аймхай” баатар

Дайснаа өрөвдөнө... өрөвдлөө ч заавал харвана... нумаа чилтэл эвхрээж, сумаа халтал эвшээлгэж... хараа хурц, зориг чанга, гар чийрэг, цэц мэргэнээр нисгэнэ... нисгээд (эр хүнээ хат даа!), нүдээ анина... харахаасаа айна... бүүр, үнхэлцгээ хагартал айна... үхтэлээ өрөвдөнө... үхтэлээ гэмшинэ...!

Хариултгүй асуулт... инээдэмгүй инээд...

“Нялх сүеийн орой хад цоолоод цухуйчихсан байтлаа сэвшээ салхин сэвэлзэхийн төдийд хэрхэхээ мэдэхгүй сандчин савчих нь юун?” хэмээн өөрөөсөө түмэнтээ асуун, хариу бясалган бэдэчсээр, нэгэн мэдэхүйеэ, насны уулнаа, эгц эрс хэцэд асаж, намд эгэх мөргүй... элгэн хадны ирмэгт гацаж, хамхуул мэт торон тогтсон минь, -Одоо, өнгөрсөн хойно бодохунаа, хариултгүй асуулт, инээдэмгүй инээд аж л!

Онлайн болгоод дуусчихжээ.

Очко ахын санаачилсан Я.Цэвэлийн Монгол Хэлний Товч Тайлбар Толийг онлайн болгох ажил дуучихжээ, нэг мэдэх нээ. Хурдан ч юм аа даа. Олны хүч оломгүй далай гэдэг л энэ байх даа. “Оруулсан үг”ээ 1000 болгочих санаатай ортол дуусчихсан байна ш дээ :-).

Энэ толийг онлайн болгож эхлээд дөнгөж сар гаруйхан л болж байгаа. Нийт 233 хүн хувь нэмрээ оруулж оруулсан үг 30,000 орчим болжээ. Хамгийн олон үг оруулсан арван хүн:

Тус толийг Stardict форматаар татаж авах боломжтой.


Эдийн засаг-Сонголт

Эдийн засаг бол сонголтын тухай шинжлэх ухаан гэлцдэг. Харин сонголтонд нөлөөлөгч гол хүчин зүйл бол алдагдсан боломжын зардал байдаг. Алдагдсан боломжын зардлыг сонголтоор илэрхийлбэл: Сонгогдсон сонголтуудаас бусад сонголтуудыг сонгосон тохиолдолд олж болох байсан ашиг гэж хэлж болох талтай.

Энд л гэхэд есөн "сонго" язгууртай үг орсон байгааз. :-).

Andrew Johnston


Andrew Johnston сонсоод нэг л гоё санагдлаа. Ердөө нэгхэн минутын дотор хүнийг уйлуулж чадаж байна шүү дээ.

Яг дуулаад эхлэхэд нь нэг л тийм зах хязгааргүй, аниргүй ертөнцөд ирчихсэн байх шиг. Цэв цэвэрхэн цагаан цаасан дээр гоё зураг зураад, зурж байхдаа гараа хүсснээрээ хөдөлгөж, тэр зураг нь яг л өөрийх нь хүсч байсан тийм л зураг болсон юм шиг. Яг ийм мэдрэмж төрлөө. Бодоод байхнээ дуу дуулах, зураг зурах хоёр хүнд адилхан мэдрэмж төрүүлдэг байх аа. Бас гоё дуу сонсох, гоё зураг үзэх хоёр.